Skip to main content

CEC USA Member

Back to Member Directory
Iowa

Carson Chin Baptist Church

Address
210 New Heritage Trail, Columbus Junction, IA 52738
Website
www.ccbciowa.org
2022-2023

September 17,2007 ah Chicago in Pu Lal Luai Cinzah, Vaal Mang Bik, Hung Awng Thang, Van Lian Van Awr le Van Biak Cinzah hna cu Columbus Junction khua ah an rak phan. Cu minung (5) hna cu Tyson food Company ah rian an rak tuan. Pakhat le khat dawtnak le zawnruahnak he hmunkhat te ah khua an rak sa hna. Kan miphun hawi hna riantuan duh ah a kan fuhmi poah cu thlahlawh an hmuh hlan chung poah cu zohkhenh siseh tiah hnatlaknak an rak ngei. Cu tlawmpal ahcun Georgia in Pu Sui Hnin le Chicago in Pu No Cung hna an rak phan than ve. Cuticun midang zong an rak phan thluahmah i minung (30) hrawng an rak si cang.

2009 kum ah chiathazohkhenhnak bu an rak ser i hawikomhnak zong an rak ngei kho hna. Tlawmpal hnu ah July 11, 2009 ahcun cu chiatha zohkhenhnak bu cu Iowa Chin Christian Fellowship tiah a min rak thlen a si. Cu lio ahcun United Methodist Church ah room pakhat an rak hal hna i cu ka ahcun hawikomhnak an rak ngei tawn. Cu ticun Pathian nih cu hawikomhnak bu cu thluachuah a pek tik ah minung zong rak karh chin lengmang. Upa hna nih an ruah tikah hawikomhnak bu lawng in cansau caah a si kho lai lo tiah an ruah caah February 13, 2011 kum ah fellowship si tiloin in Iowa Chin Baptist Church(ICBC) tiah Khrihfabu min in rak thlen a hung si than.

Iowa Chin Baptist Church min in kum zeimawzat kan kal hnu ah kan umnak khua Columbus Junction, Iowa hi thawngtha a rak kan phurhtu Rev. Carson chuahkehnak hmun a si tiah tuanbia nih a rak chimh hna tik ah kan Khrihfabu min cu January 11,2014  kum thawk in Carson Chin Baptist Church(CCBC) tiah a min rak thlen than a si. Cu ticun Pathian nih Khrihfabu cu thluachuah a pek i member zong an rak karh chin lengmang. Carson Chin Baptist Church cu Pathian nih thluachiah a pek i minung zawng kan rak thahnem ngaingai cang. Cu tik ah Khrihfabu nih a ruahmi cu midang biakinn i pumh le hmunhlan lengmang cu a hartuk caah kan mah tein Biakinn sak ding ah timhtuahnak ngei ko cang u sih tiah ruahnak a chuak i vawlei hmun cu August 15,2017 ah Biakinn foundation chiah a si. Cun Biakinn thar Pathian sin ah peknak cu August 19, 2018 a si. Rev. Carson le Larau cu March 15,1899 kum ah Hakha an rak phan. Kum 123 a rauh hnu ah Carson chuahnak khua ah laimi nih Biakinn kan sakmi cu laimi dihlak caah philh awktha lo tuanbia kan tial tiah kan i ruah. Carson Chin Baptist Church cu Bawipa nih sunparnak caah hmang ko seh!