Skip to main content

Phunghram le Phungteng

CHIN EVANGELICAL CHURCHES USA(CECUSA)

PHUNGHRAM LE PHUNGTENG 
(Constitution & By-laws)

As amended on September 3,2021. 
 

 

DAL I: A MIN LE UMNAK HMUN 

Hi bu min cu Chin Evangelical Churches of USA tiah min pek a si. A tawinak in CECUSA ti a si lai.  

CECUSA office cu Wheaton, Chicago area IL ah a um lai.  

DAL 2: TINHMI(PURPOSE) 

2.1. Kan biakmi kan Pathian a min thangthat ding ah le a pennak kauhter ding. 

2.2. Chungtel  khrihfabu  dihlak  chungah  a  ummi  zumtu  hna  Lungthin,  Thlarau  le  Taksa ngandamnak le thanchonak ding ah riantuanak tinak ngeih ding. Khrih ah mihrut, mifim, mirum, sifak, mithawng, mider ti umloin le zalong tein khuakhan lairel ti ding. 

2.3. Kan miphun Chin nunphung, ca holh, bia le hla kilven i cawisan ti ding. 

2.4  Chungtel bu dihlak chiatthatnak ah i zohkhenhnak ngeih ding. 

2.5  Jesuh Khrih ah pumkhat kan sinak le kan i dawtnak cu chungtel bukip civui tuahtinak le  
ihawikomhnak le riantuan tinak in langhter ding. 

2.6  Ram chung, ram leng mission riantuannak i hmaitlak ding.  A hleiin hngakchia le mino thlaurau taksa thinlung ziaza tha in an than khawhnak ding a zuam lai. 

2.7 Ramchung ramleng ah harsatnak fak ruah loin a tongmi kan minung hoi hna kan sikhawh chung in zuanhnawh ding.  

2.8 CECUSA  bu cu US cozah le Khrihfa dang hna nih a theih i zalawng tein cawlcanghnak a ngei khomi bu siter ding. 


DAL 3: ZUMHNAK TLAIHTLENG (STATEMENT OF FAITH) 

3.1. Baibal hi zumhnak hrampi a si.(The Supreme Authority of the Bible)Matt.24:35; II Tim. 3:16-17; I Pet.1:23, II Pet. 1:21)

3.2. Biaknak le Uknak then ding (Separation of Church and State) Matt. 22:2.

3.3. Khrihfabu Bing Nawlngeihnak(Autonomy of the Local Church)

3.4.  Zumtu Paoh Tlangbawi an si dih (Priesthood of All Believers) Heb. 4:14-15, I Pet. 2:9.

3.5.  A Zummi Lawng Tipil Pek (Believers’ Baptism).

3.6. Khrihfa Zalonnak (Christian Liberty). Galati 5:1; 5:13.

3.7.  Thum Komh Pathian (The Trinity) kan zumh. Gen. 1:26; Matt. 3:16-17; Matt. 28:19.  


DAL 4: CHUNGTEL SINAK LE DONGHTERNAK(MEMBERSHIP & TERMINATION)

4.1  CECUSA phunghram, aa tinhmi le aa hmaitlakmi aa hrawm khomi Chin/Laimi khrihfabu a si lai. 

4.2 Chungtel luhnak halnak cu CECUSA OC upa sinah ca in tial a si lai i a nai bik EC meeting ah cohlannak tuah a si lai. 

4.3 Chungtel a simi khrihfabu cio nih CECUSA sinah kum fatin cheuhracheukhat chungin (6%-percent) a pek lai. Pek can cu kum dih January-Feb ah pek a si lai.

4.4 Bu riantuannak ah chungtel tling in ai telmi  ( 2% percent) in CECUSA ah a pemi(Bethel Senthang Baptist Church cu chungtel tling ah cohlan a si. CECUSA chungtel thin an rak sinak ruang ah cohlan an si. Khrihfabu dang cu cohlan loding a si.  

4.5 Chungtel sinak in dinh a duhmi nih mah Khrihfabu phung ning cio hnatlaknak in CECUSA sinah chuahnak ca tial a si lai. Lunglawm tein in kan i hawikomh bantukin lunglawm tein i thennak tuah a si lai.


DAL 5:  HRUAINAK TUNGTLANG(LEADERSHIP STRUCTURE) 

5.1 CECUSA nih aa tinh ningin rian a tuan khawhnak ding caah a tanglei riantuanbu hna hi ngeih a si. 

(1) Officer Council (OC) 

(2) Executive Committee (EC) 

(3) General Assembly (GA) 

(4) Women Department 

(5) Youth Department 


DAL 6: HRUAITU UPA THIMNAK LE RIANTUANNAK CAAN (Election & Terms of Office) 

6.1. GA meeting cu kum hnih dan ah voikhat in tuah ding a si lai.  

6.2. GA meeting cu CECUSA riantuantu thimnak tuanvo ngeitu a si lai. 

6.3. GA meeting ah thim dingmi hna cu: 

(1) President 

(2) Vice- President 

(3) Secretary 

(4) Assist. Secretary 

(5) Treasurer 

(6) Assist. Treasurer 

(7) Women Director & Chairman 

(8) Youth Director & Chairman
 

DAL 7: BU DANG HE RIANTUANTINAK(PARTNERSHIP)  

7:1. CECUSA cu zumhnak le tinhmi aa khatmi Khrihfabu le biaknak phu dang he a herhning in riantuantinak a ngei khomi a si lai. 

7:2. Cu bantuk riantuantinak cu OC nih a tuak tan lai i EC nih a fehter hnu ah pehtlaihnak ngeih khawh a si lai.

 

DAL 8: CHAWVA LE NGEIHCHIAH THILRI(MONEY & PROPERTY)

8.1 CECUSA bu nih chawva a hmuhnak ding cu chungtel bu cio nih an cheuhracheukhat chungin (6%) cio an thawhmi a  si lai.  Cu pinah pumpak in siseh a bu in siseh CECUSA riantuannak ah tel ve a duhmi nih pekmi a si lai.  

8.2 CECUSA General Assembly nih a hna a tlak hnu ah lenglei bawmhnak (grant) kawl khawh a si lai.  

8.3 CECUSA phaisa cu  in EC le OC nih CECUSA cawlcanghnak ah hman a si lai i GA hngatlaknak a lak lengmang lai. 

8.4  Phaisa luh chuahnak  fianfai  tertu ding ah EC nih GA meeting lai ah auditor pakhat a  thim  lengmang lai.   

8.5 Auditor tuanvo cu General Assembly nih biakhiahnak a ngeih ningin EC le a  dang department hna  phaisa an hmannak kum khat ah voi (1) checknak a ngei lai. Cu an  checknak kong cu GA meeting ah report a pek lai.  

8.6 Auditor nih phaisa hmuhnak le hmannak kong he pehtlai in ruahnak a pek lai. 

8.7 Chungtel sinak in a chuakmi Khrihfabu hna nih thawh ciami chawva hal than khawh a si lai lo.


DAL 9: RIANTUANNAK(MEMBERS’S RESPONSIBILITES)

9.1. CECUSA nih CECUSA thanchonak caah Khrihfabu le an pastorte a hleiin kinhmi rian paoh cu mah Khrihfabu budget chungin hman a si lai. A sullam cu OC, EC le GA meeting kai tik ah a si.  

9. 2. CECUSA chungtel member chungin thihlohnak a tongmi an um ahcun chungtel bukip nih ($1000.00) cio in bawmh a si lai i Khrihfabu member 100 tang nih ($ 500.00) bulhnak a pek lai. (Member 100) cung a ngeimi nih ($ 1000.00) in bulhnak pek a si lai.

9.3. CECUSA nih Kawlram chung ah mission field a ngei lai.  Mission rian a tuan khomi nih CECUSA min le theihpinak in field i ham in mah le local Khrihfabu budget in tuan a si lai. Hmun khat ah rianruanti a herh tikah cunglei in a zat khiahpiak a um lai lo i mah le ti khawh tawk cio in thawh cio a si lai. 

9.4. Ramchung CECUSA Khrifabu thanchonak mission (inland mission) rian tuan tik ah, EC nih program le budget a fehter lai i OC nih Khrifabu kip ah thawhvo an kan phawt ning in thawh a si lai. 
 

DAL 10: DEPARTMENT

10.1. CECUSA tangah Women Department a um lai. Anmah tein in hruaitu thimnak le riantuannak an ngei lai i bupi nih a herh ningin a bawmh lai. Amah tein bupi he aa kalh lomi hruainak phunghram aa ngeih ve lai.

10.2. CECUSA tangah Youth Department a um lai. Anmah tein in hruaitu thimnak le riantuannak an ngei lai i bupi nih a herh ningin a bawmh lai. Amah tein bupi he aa kalh lomi hruainak phunghram aa ngeih ve lai. 

10.3. CECUSA tangah CE Department a um lai. Riantuan tu cu kum hnih ca lengmang in thim an si lai. An riantuan dingmi cu EC nih a herh ning in suaisam piak lengmang a si lai. 

10.4. CECUSA tangah Media Group a um lai. Riantuan tu cu kum hnih ca lengmang in thim an si lai. An riantuan dingmi cu OC nih a herh ning in suaisam piak lengmang a si lai.
 

DAL 11: PHUNGHRAM KILVENNAK LE REMH KHAWHNAK (CONFIRMAITON & AMENDMENT)

11.1. CECUSA phunghram pi cu General Assembly Meeting nih a fehter hnu ah hman a si.

11.2. CECUSA phunghram cu chan tiluan ningin hrawh, remh le chap duhmi a um ahcun chungtel Khrihfabu pakhatkhat nih ca in CECUSA EC ah a tial lai i EC hnatlaknak in General Assembly Meeting ah a chuahpi lai.

11.3. OC upa te nih remh, chap le hrawh a herh tiah an ruahmi zong EC ah an chuahpi hmasa lai.

11.4. CECUSA phunghram(constitution) cu General Assembly Meeting a kaimi hnarcheu nak tamdeuh hnatlaknak lawng in remh le chap khawh a si lai. 

 

CECUSA BY-LAWS(PHUNGTENG)

DAL 1: GENERAL ASSEMBLY(GA)

1.1. General Assembly (GA) cu nawlngeihnak sang bik a ngeimi a si lai.

1.2. Bupi tonnak General Assembly Meeting cu kum (2) ah voikhat tuah a si lai. 

1.3.  Chungtel kuzale zatceu nak tamdeuh meeting an kai lawngah meeting tuah khawh a si lai.

1.4. Zatceu nak tam an tlin lo cun a voihnihnak meeting auh than a si lai i a chuak khomi paoh nih tuah a si lai.

1.5.  CECUSA caah a herhmi committee le department a tuah lai.

1.6. CECUSA chungtel nih phaisa kan thawhmi a hmannak budget kum khat ca lengmang in fehternak a tuah lai. 

1. 7. CECUSA kumkhat chung a cawlcanghnak ding le tuan ding a fehter lai.

1. 8. CECUSA OC member, Department Director le Chairman kha kum hnih ca lengmang in a thim lai.

1. 9. CECUSA GA meeting le civui tuahnak caan, hmun le hma a khiaktu a si lai.

1. 10. Constitution le Bylaws   remh, chap, zuh khawhnak nawl a ngei lai.

1.11. CECUSA nih midang organization he membership in pehtlai  in riantuan tinak kong ah biakhiaktu a si lai. 

1.12. GA Meeting ah chungtel Khrihfabu pakhat ah minung (5) in kai khawh a si lai.  

1.13.  GA Meeting ah OC, Department Director & Chairman hna kai ding a si lai.  

1.14. GA meeting ah Pastor a ngeimi Khrihfabu nih an Pastor hna cu GA palai ah rinh khawh a si lai.  

1.15. CECUSA Official Council paruk le department directors hna cu GA nih kum hnih ca lengmang in a thim lai. Riantuan caan cu term khat ah kum hnih a si lai i hmunhma pakhat kha term hnih cung peh a si lai lo. Term khat dinh hnu ah thim than khawh a si lai.


DAL 2:  TAWLREL BU  (EC)

2.1. CECUSA EC cu kum khat ah voikhat in meeting tuahnak March thla chung ah a ngei lai.

2. 2. General Assembly nih a fehtermi budget le rian cungah riantauntu a si lai. 

2.3. General Assembly meeting ah EC nih a riantuannak report a pek lai i caihhmai ding agenda a suai lai.

2.4.  A karlak i a lawngmi OC upa dirhmun a um ahcun EC nih a herh ningin thim a si lai i a nai bik GA meeting ah namhnehnak a tuah lai. 
2.5. CECUSA cawlcanghnak caah herhmi subcommittee cu EC nih sernak   
nawl a ngei lai.  
2.6. A herhtukmi a um ahcun Emergency GA meeting auhnak nawl a ngei lai. 

2.7. EC meeting ah chungtel Khrihfabu minung(3) cio kai ding a si lai. 

2.8. OC le Department Director & Chairman hna cu EC meeting ah kai ding a si lai.  

2.9. Pastor a ngeimi Khrihfabu hna cu EC palai ah an Church Pastor hna rinh khawh a si lai.  

2.10. EC cu General Assembly phak hlan ah can karlak a herhmi tuanvo latu a si lai.  

2.11.  EC nih auditor pahnih kum hinh ca in a thim lai i ah phaisa cazin checknak kum tin an tuah lai. GA meeting um lo kum paoh ah cun EC ah report an pek lai. GA meeting kum ah cuGA sin ah report an pek lai. 
 

DAL 3: OFFICER COUNCIL (OC)

3.1. GA nih a thimmi OC minung (6) hna cu:  

President 

Vice president 

Secretary 

Asst. secretary 

Treasurer 

Asst. Treasurer hna an si.   

3.2.  A herh ning in EC Emergency auhnak nawl a ngei lai.

3.3.  EC le GA meeting kar lak ah thil poi herh a ummi paoh a tawlrel lai i a nai bik EC/GA meeting ah a fehter lai.

3.4. EC meeting ah caih dingmi agenda a suai chung lai.

3.5. Phaisa hmannak nawl voi khat ah ($10,000.00)tiang a ngeih lai.

3.6. EC le General Assembly meeting hruaitu a si lai.  

3.7. CECUSA nih theih a herhmi thawngpang le tuan a herhmi rian paoh a thanhtu a si lai. 

  1. President
    • (a)  CECUSA hotu a si lai  i   chungtel  Khrihfabu  vialte  chiatthatnak  le lungthin, thlarau, pumsa lei thanchonak kong ah tuanvo latu le lamhruaitu bik a si lai.
    • (b) Lenglei pehtlaihnak vialte ah CECUSA aiawh in biachimtu le bia phurtu a si lai.
    • (c) Kum hnih in can hnih tiang a tuan khawh lai.
    • (d)  Ca lut cachuak paoh a fim lai i OC sinah a theihter lai.
    • (e)  GA meeting ah a rian tuannak report peknak a ngeih lai. 
  2. Vice president:
    OC, EC le GA meeting ah hruaitu a si lai. President he neihniam tein riantuan timi a si lai.
  3. Secretary:
    Vice President nih tuanvo a pek tikah meeting hruaitu a si lai. CECUSA President he CECUSA Khrihfabu hna caah lungkhat le neihniam tein riantuantu a si lai.  OC, EC le GA meeting tuah tikah biakhiahnak le khuakhan lairelmi a  dihlak in record a  tuah lai i  chungtel  dihlak sinah thawngthanh a herhmi a tuahtu a si lai.
  4. Asst. Secretary:
    Secretary a um lo tik ah a herhning bantukin chungtuan aiawh in tuanvo a lak lai.  Chungtuan nih rian a pek tikah chungtuan rian cu a herh ningin a bawmtu a si lai.
  5. Treasurer:
    CECUSA nih a ngeihmi phaisa kengtu a si lai i cu ngeihmi phaisa cu bank ah a chiah lai. A herh caan hman awk ah a sin ah ($ 1000.00) nak tlawm a chiah lai i phaisa hmannak receipt a chiah zungzal lai. Cauk chungah chaihmi phaisa cazin cu GA meeting ah humhnak le hmannak report a pek lai.
  6. Asst. Treasurer:
    Ngunkeng  umlo  tik ah  le  ngunkeng  nih  tuanvo  a  pek  tikah ngunkeng aiawh in riantuannak a ngei lai i ngunkeng riantuannak he pehtlaiin a herh ningin ngunkeng cu a bawmh lai.


DAL 4: CHUNGTEL LE A RIAN 

4.1. CECUSA a lamkip in thanchonak ah tinhmi a ngeihmi vialte tuanchuah khawh nak le tuanchuah khawh lo nak i a hrampi cu chungtel Khrihfabu pakhat cio cungah a hram bunh a si. Cucaah chungtel pakhat cio ngeih mi rian cu a tanglei bantuk in a si lai. 

4.2. CECUSA GA nih a fehtermi program paoh ah lung tho tein i tel ding. 

4.3. Chungtel Khrihfabu nih cheuhra cheukhat hmuhmi chung in (6%) a pek ding.  

4.4. CECUSA Mission field ah lohma i lak cio ding le Mission riantuannak caah pek ding. 

4.5. Miphun le Ram kilven, humhak nak rian ah thazaang chuah cio ding. 

4.6. CECUSA ram chung riantuannak vialte (Chiatni thatni cawlcanghnak telhchih) he pehtlai in hruaitu upa hna nih tuan ding tiah biakhaihnak an ngeih mi cung paoh ah lungtho tein le kan si khawhnak cio tein i bawmh ding. 

4.7. CECUSA phungteng(by-laws) cu EC a kaimi zatceu nak tamdeuh hna tlaknak in chap le hrawh khawh a si lai.