Mission riantuan cu minung nih thawkmi a si lo. Kan Pathian nih a rak thawkmi a si. A Fapa Jesuh Khrih vawlei ah a rak kan thlah piak. Jesuh vawlei ah mission rian a tuan ning cu hi ti hin a si. "a cawnpiak hna i pennak Thawngtha kha a chimh hna i zawtnak le fahnak a ingmi a phunphun kha a dam ter hna.(Matthai 4:23)

Khrihfabu cu Jesuh nih a riantuanmi pehzulh ding ah auhmi kan si. "Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law, kan fialmi vialte hna hi an zulh khawhnakhnga va cawnpiak hna uh. Cun hihi philh hlah u: nan sinah a zungzal in, caan dongh tiangin ka um lai," (Matthai 28:19-20).