Statement of Faith

1. Baibal (The Scriptures)
   “Baibal (uk 66) cu Pathian bia a si. Pathian thaw chuahhnawhmi a si. PathianThlarau hruainak le fimnak in tialmi a si caah palhnak a ngei lomi a si. Khrihfabu ah nawlngeihnak sang bik a ngeimi a si ( 2Tim. 3:16-17; 2Pet.1:19-21;3:1-2; 16; Jn. 10:35).
2. God (Pathian)
   “Pathian pakhat lawng a um. Pathian cu zeizong thil sertu,  zeizong hngaltu, a thiangmi, a tlingmi, zungzal a nungmi, dawtnak le vel in a khatmi a si. Pa, Fapa le Thiang Thlarau in aa langh i rian a tuanmi (thumkomh Pathian) a si ( Ex. 15:11; Isa. 45:5-6;  Gen. 1:26; Matt. 3:16-17, 28:19).
3. Minung (Human being)
   “Minung cu Pathian mui sam kengin sermi kan si. Pathian duhnak tuah dingah sermi kan si. Nawl ngaihlo sual ruangah Pathian he pehtleihnak a cat. Minung hi Pathian nih Amah sunparnak petu dingah sermi kan si. Minung hi Pathian nih zungzal nunnak pek dingah a kan kawlmi kan si. Nu le pa sinak (sex) cu Pathian pekmi a si caah thitumhnak tuah hnu ah hman ding a si. Nu le Nnu, pa le pa sualnak ((lesbianism, homosexuality form of marriage) le thitumhnak cu Pathian bia he aa ralchanhmi a si caah zumtu nih tuah lo ding a si” (Gen. 1:26-27, 31; Matt. 19:4; IKor. 11:7; Gen. 3:1-24; Rom 5:12; Rom 3:23; Rom 6:23; Rom. 5:10; Lam. 17:26; Isa. 43:1-7; IKor. 6:19-20; Rom 1:26-29; IKor. 5:1; 6:9; IThess. 4:1-8; Heb. 13:4; Rom. 7:2; IKor. 7:10; Efe. 5:22-23).
4. Holy Spirit (Thiang Thlarau)
   “Thiang Thlarau cu Pathian sinak thlamtling a ngeimi a si. Thiang Thlarau cu minung kan herhnak zawn ah bawmtu a si. Thlarau laksawng cu zumtu dihlak sinah pek a si. Cu laksawng cu Pathian sunparnak le  Khrihfabu thanchonak caah pekmi a si (Jn. 14:16-17; Rom 12:3-8; IKor. 12:1-11; IKor. 14:1-39; IPet. 4:11; Efe. 4:11).
5. Pathian khamhnak (God’s Salvation)
   Pathian khamhnak cu Jesuh zumhnak le velngeihnak thawng in a si. Minung tuahsernak cu khamhnak caah siloin zumtu hna nih Pathian rian tuannak ah tuahnak in langhter ding a si (Jn. 3:16; Jn. 6:29; IIThes. 1:8; Rom 10:9,16; Rom 6:17; Efe.2:8; ITim. 2:3-4; Rom 1:16; Rom 10:14-17; Jn. 14:6; Rom 5:8; Lam. 16:31; Lam. 2:38; Lam.3:19; Lam. 16:14; Jeim 2:26).
6. Khrihfabu (Church)
   Khrihfabu cu Jesuh Khrih cu khamhtu le Bawipa ah aa lak i a zummi dihlak an si. Khrihfabu cu vawlei cung (universal church) dihlak zumtu hna le hmun pakhat ah aa pummi (local church) Khrihfabu tiin phun hnih a um. Khrihfabu cu tipil innak le Bawipa Zaanriah(two ordinances) a hmangmi kan si. Khamhnak a hmu cangmi hna nih tuah dingmi a si. Jesuh Thawhthan Ni (Bawipa Ni) cu Pathian biak le thangthatnak ah kan hman (Matt. 16:18; Lam. 2:47; Rom 12:3-5; Efe. 1:22-23; 5:23,30; IKor. 6:15; 12:12-27; Col.2:18-19; Heb. 10:25; Matt. 28:19-20; IPet. 1:22; Gen. 2:2; Isa. 58:13-14; Neh. 13:15-22; Matt. 12:5, 10-13; Mark 2:23-28; Jhn. 20:1; Bia. 1:10; Lam. 20:7; I Kor. 16:2).
7. Brief Statement of Faith
   Chin Evangelical Churches, USA zumhnak tlaihtleng cu Baibal chirhchan le Protestant zumhnak hrampi a simi hna cungah hngat in a chuakmi a si: A. Baibal hi zumhnak hrampi a si (The Supreme Authority of the Bible); B. Biaknak le uknak then ding (Separation of Church and State - Ref. Mat.22:21); C. Khrihfabu bing nawl ngeihnak (Autonomy of the Local Church); D. Zumtu poah thlangbawi an si dih (Priesthood of All Believers); E. Zumtu lawng tipilnak peknak (Believers’ baptism); le F. Khrihfabu zalonnak (Christian Liberty). Ref: Rev. Sang Awr nih Baptist tuanbia le zumhnak a tialmi cauk page 318 chirhchanmi a si.